الأربعاء 15/مايو/2024 - 08:58 م

تحدثت الفنانة وفاء عامر خلال لقاء لها مع القاهرة 24 عن أفعال الخير التي يفعلها الفنان تامر حسني وعن خدمته للمحتاجين والأطفال اليتامى وغيرهم من المرضى الذي يساهم في تحسين حالتهم الصحية بتحقيق طلباتهم وأحلامهم.

وفاء عامر تتحدث عن مواقف لها مع تامر حسني

وقالت الفنانة وفاء عامر في تصريحاتها لـ القاهرة 24: تامر حسني إنسان من الدرجة الأولى وفنان مكافح وهو حبيب الشعب وأنا بشوف له مواقف بعيني يمكن مش بتتنشر على السوشيال ميديا أو هو بيعلن عنها لأي وسائل إعلام مع الأيتام وحفلات الناس غير القادرين وتلبيته طلباتهم.

وأضافت الفنانة وفاء عامر في تصريحاتها لـ القاهرة 24: تامر حسني بمجرد ما يوصله فيديو لحد مريض أو محتاج أوي حد بيحلم أنه يشوفه أو يقابله في ثانية تلاقيه لبس ونزل وراح له عشان يحقق حلمه أو يلبي طلبه وممكن يكون وراه ميعاد هيكسب منه 10 ملايين دولار ويسيبه عشان يروح يعمل خير.

وفاء عامر: تامر حسني طلب من أيتن الصعود على المسرح

وفي سياق آخر تحدثت الفنانة وفاء عامر في تصريحاتها لـ القاهرة 24 عن الحفل الأخير للفنان تامر حسني والذي غنت فيه شقيقتها الفنانة أيتن عامر وشاركت تامر حسني المسرح في بعض الفقرات قائلة: تامر حسني هو اللي طلب من أيتن أنها تطلع تغني معاه على المسرح وأعتقد كانت لطيفة وأيتن عامر دخلت الوسط الفني في الأول على أساس أنها تغني وبعد كده اتجهت للتمثيل.