الأربعاء 15/مايو/2024 - 09:42 م

خلال الساعات الماضية، تعرضت البلوجر والمذيعة هند مدحت، لموجة من الانتقادات بسبب رفضها فسخ تعاقدها مع بعض الشركات الداعمة لإسرائيل. 

هجوم على البلوجر هند مدحت فاروق بسبب عدم مقاطعتها للشركات الداعمة لإسرائيل

ظهرت المذيعة هند مدحت في فيديو عبر حسابها الشخصي بإنستجرام، تعرض فيه سبب عدم فسخها التعاقد مع شركات داعمة لإسرائيل قائلة: ديه آخر مرة هتكلم في الموضوع ده، محدش يقول مقاطعة ولا مش مقاطعة على أي حاجة، عشان أنا ماضية عقود فيها شروط جزائية.

وأضافت: فيه عقود ماضتها قبل أحداث غزة، وفيه عقود مضيتها بعد أحداث غزة بكل صراحة، وأنا عندي التزامات ماضية، ولو انتوا عاوزين تدفعوهالي تعالوا، وبعد كده اتكلموا، وانا اللي مش عجباه يغور.

وبعد ذلك الفيديو، انهالت التعليقات السلبية على المذيعة هند مدحت، بسبب عدم دعمها القضية، واستمرارها في تعاونها مع شركات تابعة للاحتلال الإسرائيلي في حربه ضد الأطفال والمدنيين في غزة.

ورأى مستخدمو مواقع التواصل الاجتماعي، أن المذيعة بقناة الأهلي هند مدحت لا تدعم القضية في الأساس، وصورها بجانب معبر رفح وشاحنات المساعدات، ما هي إلا دعاية لا أكثر، لزيادة أرباحها على السوشيال ميديا. 

وهند مدحت فاروق، هي مذيعة وبلوجر، وتمتلك عددا كبيرا من المتابعين عبر حسابها الشخصي بإنستجرام، وهي وجه إعلامي لبراند راش براش.

تعليقات السوشيال ميديا على عدم فسخ هند مدحت التعاقد مع شركات داعمة لإسرائيل

انهالت التعليقات السلبية على البلوجر هند مدحت فاروق بسبب عدم فسخ هند مدحت التعاقد مع شركات داعمة لإسرائيل فقال مستخدم، تمام يا حبايب قلبي، دي هند مدحت اللي ميعرفهاش، هي مش اغلي من ال ماتوا في غزه واللي لسه تحت الإبادة، قاطعوا اللي مش مقاطع واعملوا بلوك للأشكال دي.

وقال آخر، هند مدحت مذيعة رياضية وبلوجر، اعملوا حملة بلوكات عليها، بسبب عدم دعمها لحملة المقاطعة للمنتجات الداعمة لإسرائيل.

وعلق آخر: يا سلام على النفاق حد يجيب الفيديو بتاعها اللي بتتريق عالمقاطعة فيه وإنها مضت مع شركات بتدعم إسرائيل.

وقال آخر: هند مدحت مذيعة رياضية في قناة الأهلي وبلوجر، طلعت عملت إعلانات لمنتجات مقاطعة ودا كان ردها على الناس اللي انتقدتها، الجدير بالذكر أنها من موجة الناس الي جريوا ياخدوا اللقطة عند المعبر في أول الأحداث مع علم فلسطين.

بينما قال آخر: هند مدحت اللي كانت بتفرش وتنام قدام المعبر، بتقول أنا ماضية عقود قبل الحرب وماضيه بعد الحرب كمان عشان عندي التزامات ماديه تعالو ادفعوهالي انتو وبعدين نظروا، تقريبا هند متعرفش إن ممكن ندفع فواتيرنا بفلوس حلال، خلاص منعاقبش الحرامي اللي بيسرق عشان عنده التزامات مادية هو كمان هي جت عليه.