تحدث الفنان رامي صبري عن تصريحاتها بشأن العودة إلى العمل مرة أخرى في ظل حرب غزة لعدم قطع رغيف العيش، مشيرا إلى أنه مقتنع تماما لما قاله ولا يؤيد أبدا أن يوقف شخص عمله بسبب حرب بين بلدين.

رامي صبري: انا مش بنزل شغل عشان الفلوس بس أنا بردو ضد فكرة أن نوقف شغل بسبب حرب 

وقال رامي صبري في تصريحات تليفزيونية رصدها موقع تحيا مصر: في بلاد من أول ما اتولدنا وهي بلاد حرب ومش المفروض أعرف السبب لأن دي حاجة متخصنيش، ومش شايف أن أما يكون جاري بيتخانق مع جاره أبطل شغل.

وتابع رامي حديثه، قائلا: انا مش بنزل شغل عشان الفلوس بس أنا بردو ضد فكرة أن الفن ترفيهي وأما يكون فيه حرب تقف، أنا عندي أكتر من 200 شخص شغالين وبيقبضوا وأما أوقف شغل هما كمان هيقفوا وإني أوقف شغل مش ده الحل ولو حد غيري عمل كدة فده لأن بلده اللي بتضرب والموضوع محرج بالنسباله.

رامي صبري وسبب بعده عن شركات الإنتاج 

وتطرق رامي صبري في نفس اللقاء بحديثه عن سبب بعده عن شركات الإنتاج، قائلا: صدفني الحظ إني اشتغلت مع كل الشركات الإنتاجية وفي وقت جه حسيت إني مش قادر اتعامل بسيستم شركات الإنتاج وهو أنك بتقف في الطابور مهما كان حجمك وقوتك التسويقية عاملة ازاي ونجوميتك انت مضطر تستنى حد جديد.. وده حصل كتير معايا.

وأضاف في حديثه: أكيد أنا من التوب 5 في مصر اللي هما معروفين عمرو دياب وتامر حسني وحماقي ورامي صبري ومأعتقدش في تاني وده بالأرقام مش برأيي أنا.

آخر أعمال رامي صبري 

من الجدير بالذكر أن آخر أعمال المطرب رامي صبري هي أغنية كداب التي طرحها مؤخرًا عبر مختلف منصات الاستماع العربية ومنصة الفيديوهات الشهيرة يوتيوب ونالت أغنية كداب نجاحًا واسعًا وأصبحت تريند رقم 1 عبر يوتيوب بعد فترة قصيرة من طرحها، وتم طرحها ضمن أغاني ألبوم أنا جامد كده كده، وجاءت أغنية كداب بتوقيع الملحن عمرو الخضري ومن توزيعه وكلمات عمرو المصري، وألحان وتوزيع عمرو الخضري، ماستر عمرو محروس.