قالت شقيقة فتاة التجمع التي تعرضت إلى محاولة خطف واغتصاب على يد سائق أوبر في منطقة مدينة نصر، إن المتهم أنكر كافة الاتهامات الموجهة إليه أمام جهات التحقيق.

فتاة التجمع ضحية سائق أوبر

وتابعت: هو بيقول أنا معملتش كده وإنه نزل أختي من بدري في الصحراء وحد تاني هو اللي جه عمل كده.. وكلامه ده مش صحيح عشان التعدي حصل والأدلة موجودة والكاتر موجود وهنروح نعرضه على الطب الشرعي.

وأضافت شقيقة فتاة التجمع، أن سائق أوبر تعدى جسديًا على شقيقتها لذلك أُصيبت بقطع في وتر يدها بواسطة الكاتر، وذلك خلال محاولتها الدفاع عن نفسها ضده.

واستكملت: حسين هو المجرم المغتصب وأوبر عينت محامي عشان يدافع عنه ويطلعوا أختي كدابة.. وهو اللي لغى الرحلة من عنده.. أختي إزاي هتلغيها وأنا اللي كنت طالبة ليها الرحلة من الأبلكيشن عندي على موبيلي يعني الموبايل كان معايا أنا مش هي.

وأوضحت شقيقة فتاة التجمع، أن سائق أوبر المتهم يعاني من ضعف السمع، مستنكرة قيام شركة أوبر بتعيين سائقين لديهم إعاقة من هذا النوع، قائلة: إزاي أوبر سامحة حد يشتغل وعنده ضعف في السمع! وإزاي ميبقاش فيه كاميرات في العربية؟