الأربعاء 15/مايو/2024 - 10:49 ص

علقت الفنانة هنادي مهنا، على ترويج بعض الفنانين لأعمالهم الفنية الفاشلة، مشيرة إلى أنها إذا قدمت عملًا غير جيدًا تشعر بذلك.

وقالت هنادي مهنا في تصريحات تلفزيونية: الناس بتتريق على الناس اللى بتروج لأعمالهم وهم عارفين إن العمل وحش أوي، وأنا مش هعمل كده ولو حاجة وحشة كنت بقول، لكن المقربين مني قالوا مينفعش تقولي إنها حاجة وحشة ومضظرة إني أسكت جوايا ومتكلمش، لكن مش هطلع أقول أنا نجحت الناس هتتريق عليا.

وتابعت: أنا أعرف ناس كتير في الميديا بيعملوا أعمال وبيبقوا شايفين أنها وحشة ومش بيتكلموا وخلاص، لكم أنا حاسة إني مش لوحدي في ناس بتبقى متصالحة مع ده، وفي ناس ممكن تضحك على نفسها تقولك ده حلو وبتاع ومتشفش ده في رد فعل الناس والشارع، وأنا ببقى عارفه مش ببقى مستنية حاجة من حد وعادي مفيش حد في الدنيا كلها بيعمل أعمال كلها حلوة ورا بعض طبعا، وأنا لسه في الأول وبختار، ومع الوقت هيبقي عندي خبرة.

آخر أعمال هنادي مهنا

وعلى جانب آخر، تشارك هنادي مهنا في فيلم أوسكار عودة الماموث، والمقرر عرضه خلال الفترة المقبلة، والعمل من فكرة كريم هشام، قصة أحمد حليم، سيناريو وحوار مصطفى عسكر وحامد الشراب، ومن إخراج هشام الرشيدي وبطولة أحمد صلاح حسني، ومحمد ثروت، والطفلة ليا سويدان وأحمد البايض، وغيرها من نجوم الفن.