الأربعاء 15/مايو/2024 - 10:51 ص

استعان الفنان عصام صاصا بأقوال شاهد جديد في قضيته، بعد دهسه شخصًا على الطريق الدائري، حيث روى الشاهد تفاصيل الحادث من مكان الواقعة، قائلا إن مغني المهرجانات لم يرَ الضحية، ولكنه فوجئ به أمامه.

ونشر عصام صاصا فيديو للشاهد الثاني في قضيته، عبر حسابه الشخصي بموقع التواصل الاجتماعي فيس بوك، وعلق عليه قائلًا: الظلم ظلمات والحق حبيب الله.. شاهد عيان آخر يقول اعترافاته.

وجاء في كلام الشاهد: ده مكان شغلي وأنا كنت واقف وشايف إن صاصا مش غلطان، أنا اللي كنت واقف وشايف الحادثة بما يرضي الله شايف إن عصام صاصا مش غلطان، لأن أحمد كان بيعدي من الناحية التانية وجاية على هنا، فهو كانت عربية تانية هتخبطه الضحية خاف من العربية الجيلي فاتخبط من عربية صاصا. 

اعترافات شاهد في حادث عصام صاصا

وفي الأيام الماضية، نشرت زوجة عصام صاصا شهادة لـ شاهد عيان على الحادث، حيث جاءت تصريحاته: أنا صاحب العربية الجيلي اللي كانت جنب عصام، وأقسم بالله يا ابن الحلال ما خبطوا جنب الرصيف زي ما بيقولوا، خبطوا في الحارة التانية أو التالتة وكل فضل يقول إنها كانت الساعة 7 الصبح وفي النور، الكلام ده كان الساعة 5 وكسور في عز الضلمة، بقلب رعاش لقيت الراجل قدام يدوب حدفت شمال راح عداني، راح العربية اللي جمبي جت شالته الله يرحمه.

وكان كشف محامي ضحية عصام صاصا، آخر تطورات الصلح بين مغني المهرجانات وأسرة الضحية، التي حدثت خلال الأيام الماضية.

وقال خلال تصريحات تلفزيونية له، إن هناك بعض الأشخاص يتواصلون بشكل مباشر وغير مباشر للتدخل لقبول الصلح مع مغني المهرجانات عصام صاصا، موضحًا: عصام كلمني وقال لي أنا مش فارق معايا لو اتحبست أو أخدت إعدام في هذه القضية، لكن الفارق معي هو إن الناس دي تتراضى، لإن أنا أبويا اتوفى وأنا صغير في السن، وحاسس بأولاد الضحية.