تعرضت الفنانة حورية فرغلي، خلال الساعات الماضية، لعملية اختراق لحسابها الرسمية، حيث تم نشر فيديو ومنشور أثار حالة من الجدل والتساؤلات بين الجمهور عن السبب وراء ذلك.
التفاصيل الكاملة لـ اختراق حساب الفنانة حورية فرغلي
وكشفت مصادر خاضة لـ موقع تحيا مصر، عن التفاصيل الكاملة لاختراق حساب حورية فرغلي، قائلة: اولا الفيديو ليس له علاقة بـ حورية فرغلي، المشكله كانت بين مخرج شهير وزوجته، واستولى على صفحات حوريه ونزل الفيديو تشهير على صفحه حوريه عشان خاطر يطلع ترند او بقى الله اعلم اللي في دماغه ما حدش عارف وطبعا نزل في وسط دلوقتي بيقول استنوني في لايف الساعه 8:00 وحقيقه حوريه فرغلي وفلوسه اللي عندها فهبعت لحضرتك حالا رد لو حابه برده تنزليه تمام تحت امرك بس هو ده كل الموضوع ان المشكله انه الصفحه ومستولي عليها واحنا رافعين عليه قضايا عشان خاطر ناخذ الصفحه ثاني وهو بيستغل الصفحه الاغراض شخصيه وكمان بيشهر بالناس على صفحه حوريه ويعني مش عارفه اقول ايه ثاني بصراحه.
وتابع المصدر: المخرج مجرد هاكر ويمكن حورية قالت الكلام ده فى اكتر من برنامج كانت المسؤله عن السوشيال ميديا سافرت فاجاه ومش عرفت حورية تتواصل معاها علشان تأخد الباسورد وهو عرض عليها بالصدفه البحته انه يقدر يرجع ليها الحساب وفعلا قد كان ورجع الحساب وخلها ادمن لمده يوم واحد بس.
وأكمل المصدر: وبعد كده شالها واستولى على الصفحه تماما حتى التربح من الصفحة كان بيدخل حسابة هو مش حساب حورية، ولما جينا نطالب تأخد الصفحة، طلب نص مليون جنية وكل ده مثبوت فى مباحث الانترنت بالصوت لان المباحث اتواصلت معاه فى الاول بطريقه ودية علشان تأخد الصفحات بدون مشاكل ولا محاضر،ولكن بجح ورفض، وعملنا المحضر ومحكوم علية فعلا بالحبس و الغرامة وكل بوست بينزل بيكون فى مباحث الانترنت، والمحامى دلوقت بياخد الخطوات القانونية.
اختراق صفحة حورية فرغلي
وتصدرت النجمة حورية فرغلي مؤشرات البحث ومنصات التواصل الاجتماعي خلال الساعات الماضية، بعدما تفاقمت أزمتها مع اختراق حساباتها الرسمية على موقعي فيس بوك وإنستجرام، وهو الأمر الذي أثار قلق ومخاوف جمهورها العريض ومتابعيها في العالم العربي، خاصة بعد نشر الحسابات المخترقة لمنشورات غامضة ومقاطع فيديو مثيرة للجدل، بالتزامن مع كشف الفنانة عن كواليس بداياتها السينمائية الفنية وذكرياتها الإنسانية المؤلمة التي غيرت مجرى حياتها بالكامل.
تواجه الفنانة حورية فرغلي أزمة حادة وغير متوقعة جراء فقدان السيطرة الكاملة على صفحاتها الموثقة،والتي يتابعها ملايين الأشخاص عبر الفضاء الرقمي، حيث بدأت الأزمة في شهر مايو الماضي عندما أعلنت رسميًا عن تعرض حساباتها لعملية اختراق وقرصنة إلكترونية معقدة.
0 تعليق