كشف د. خالد أمين الأمين العام المساعد لنقابة أطباء مصر عن فكرة مشروع يتمنى تنفيذه وهو تأسيس وحدة للمرأة الآمنة، وذلك تعقيبًا على واقعة مستشفى الشاطبي، من خلال منشور عبر حسابه الشخصي بموقع التواصل الإجتماعي الأشهر “فيسبوك”.

قال د. خالد أمين طبيب النساء والتوليد: “بقالي فترة طويلة بحاول اشارك في تأسيس وحدة للمرأة الآمنة في واحدة من اهم المستشفيات . مش علشان موجة النسوية اللي البعض ممكن يتهمني اني بجاريها، ولكن لان السيدات بشكل عام  بيتعرضوا لعنف كبير بشكل حقيقي”.

وتابع: “مفيش حد لوحده متهم لكن من اول الاهالي اللي بيعملوا ختان لبناتهم مرورا بالتحرش اللي بيتعرضوا ليه في الشوارع والتعديات الجنسية في المجمل والعنف الأسري والعنف القائم على النوع و مرورا بالمستشفيات ونقص بعض مسكنات الالام وحقن الابيديورال اللي مش موجودة والخصوصية المعدومة ونقص عدد الاطباء والتمريض مقارنة بحجم العمل وحتى كمان السلوكيات المرفوضة واللي احيانا ممكن تبقى جرايم”.

وواصل: “وجود مكان بيمثل جهة آمنة لتلقي شكاوي السيدات والبنات وحمايتهن وبيشتغل ببروتوكولات علمية وطبية وقانونية وانسانية سليمة وبيحيل الشكاوي لجهات اختصاص وبيتعامل ويعالج ويوجه، ده مبقاش رفاهية . فيه عندنا اكثر من عشرين وحدة مرأة آمنة في كثير من الأماكن في مصر”.

واختتم قائلاً: “اتمنى اقدر انفذ المشروع ده. د.خالد امين زارع طبيب نسا وتوليد”.